ტრამპმა სავაჭრო ბალანსის დეფიციტის საფრთხის გამო აშშ-ში საგანგებო მდგომარეობა გამოაცხადა
აშშ-ის პრეზიდენტმა დონალდ ტრამპმა ხელი მოაწერა ბრძანებულებას, რომლის მიხედვით სავაჭრო ბალანსის დეფიციტის საფრთხის გამო აშშ-ში საგანგებო მდგომარეობა გამოცხადდა. ამის შესახებ თეთრი სახლი იუწყება.
თეთრი სახლის საიტზე გამოქვეყნებულ დოკუმენტში აღნიშნულია, რომ საგარეო ვაჭრობამ და ეკონომიკურმა პრაქტიკამ ქვეყანაში საგანგებო მდგომარეობა გამოიწვია.
„სავაჭრო ბალანსის ყოველწლიურმა მაღალმა დეფიციტმა ჩვენი სამრეწველო ბაზა შეასუსტა, გაქრა ადგილობრივი სამრეწველო სიმძლავრეების გაძლიერების სტიმული, დაზიანდა მიწოდების უმნიშვნელოვანესი ჯაჭვები და ჩვენი სამხედრო-სამრეწველო ბაზა უცხოელ მოწინააღმდეგეებზე გახდა დამოკიდებული“, - წერია ტრამპის ბრძანებულებაში.
საგანგებო მდგომარეობის გამოცხადება ტრამპის ადმინისტრაციას უფლებას აძლევს, რომ საბაჟო გადასახადების მიმართულებით განსაკუთრებული უფლებამოსილება გამოიყენოს.
