თეთრი სახლის ლიდერის, დონალდ ტრამპის განცხადებით, უკრაინასა და რუსეთის ფედერაციას მშვიდობა სურთ და სწორედ ამიტომ, მოლაპარაკების მაგიდასთან უნდა დასხდნენ. ამის შესახებ, მან ჟურნალისტებს თეთრ სახლში ნორვეგიის პრემიერ-მინისტრთან შეხვედრამდე განუცხადა.

„ძალიან დიდი ხანია ველოდებით. ისინი უნდა დასხდნენ მოლაპარაკების მაგიდასთან და ვფიქრობ, ჩვენ მივიღებთ მშვიდობას,“ - განაცხადა ტრამპმა. 

როგორც ტრამპმა აღნიშნა, 5000 ახალგაზრდა ყოველკვირეულად იღუპება რუსეთის მიერ უკრაინის წინააღმდეგ ომში. 

„ვფიქრობ, რომ მათ ორივეს მშვიდობის დამყარება სურთ. მათ შორის {უკრაინა-რუსეთი} არის დიდი სიძულვილი, ძლიერი მტრობა, უნდობლობა, მაგრამ ვფიქრობ, ჩვენ მოვახერხებთ მშვიდობის დამყარებას“, - აღნიშნა ტრამპმა. 

ამასთან, ტრამპი აცხადებს, რომ მას აქვს „საკუთარი ვადა“ უკრაინასა და რუსეთს შორის მშვიდობის დასამყარებლად. 

„ჩვენ გვაქვს ვადა. ვფიქრობ, მშვიდობის დამყარების კარგი შანსი გვაქვს“, - დასძინა დონალდ ტრამპმა.