1763186606
უცხოეთი
ტრამპი რუსეთ-უკრაინის ომის მსხვერპლზე: ასეთი რამ მეორე მსოფლიო ომის შემდეგ არ მომხდარა
რუსეთ-უკრაინის კონფლიქტმა კონფლიქტმა ბევრი ადამიანის სიცოცხლე შეიწირა და ის უნდა შეჩერდეს, - ამის შესახებ აშშ-ის პრეზიდენტმა დონალდ ტრამპმა ბრიტანულ მედიასთან ინტერვიუს დროს განაცხადა.
„ეს ომი საერთოდ არ უნდა დაწყებულიყო. ეს ნამდვილი სასაკლაოა. საშინელი სასაკლაოა. იმდენი სამხედრო იღუპება, რაც მეორე მსოფლიო ომის შემდეგ არ მომხდარა“, - აცხადებს აშშ-ის პრეზიდენტი.
თეთრი სახლის ლიდერის განცხადებით, უკანასკნელ თვეში 25 000 ჯარისკაცი დაიღუპა ორივე მხრიდან.
„ახალგაზრდა ჯარისკაცები დაიღუპნენ. ეს არასდროს მოხდებოდა, პრეზიდენტი რომ ვყოფილიყავი. იცით, ჩვენ მათზე [რუსეთზე] წნეხს ვახდენთ. საუბარია ინდოეთსა და ნავთობზე. ინდოეთი და სხვები ახლა უარს ამბობენ მათ ნავთობზე. როცა რუსეთი ნავთობს ყიდის, მას რაღაცის ჩასადენად ფული უჩნდება“, - აღნიშნა ტრამპმა.
