1763985208
უცხოეთი
ტრამპი რუსეთ-უკრაინის მოლაპარაკებებზე: ვიდრე არ ნახავთ, ნუ დაიჯერებთ
აშშ-ის პრეზიდენტმა დონალდ ტრამპმა უკრაინაში ომის დასრულების შესახებ მოლაპარაკებებთან დაკავშირებით სოციალურ ქსელ TruthSocial-ზე განცხადება გააკეთა.
„მართლა შესაძლებელია, რომ რუსეთსა და უკრაინას შორის სამშვიდობო მოლაპარაკებებში დიდი პროგრესი იყოს? ვიდრე არ ნახავთ, ნუ დაიჯერებთ, მაგრამ, შესაძლოა, რაღაც კარგი ხდებოდეს. ღმერთმა დალოცოს ამერიკა!“, - აცხადებს ტრამპი.
ამასთან, როგორც „ბიბისი“ იტყობინება, უკრაინის, აშშ-სა და ევროპის ქვეყნების წარმომადგენლებს შორის მოლაპარაკებები მიმდინარეობს.
კრემლში კი აცხადებენ, რომ მოსკოვს ოფიციალურად ჯერ არანაირი გეგმა არ მიუღია.
