1774851953
უცხოეთი
ტრამპი: მინდა, პრეზიდენტ ლუკაშენკოს უდიდესი მადლობა გადავუხადო პატიმრების გათავისუფლებისთვის და მოუთმენლად ველი მასთან ერთად ყოფნას „მშვიდობის საბჭოს“ შემდეგ შეხვედრაზე
აშშ-ის პრეზიდენტმა დონალდ ტრამპმა ბელარუსის პრეზიდენტს ალექსანდრე ლუკაშენკოს პოლიტპატიმრების გათავისუფლებისთვის მადლობა გადაუხადა და განაცხადა, რომ მასთან შეხვედრას „მოუთმენლად ელის“. ამის შესახებ ტრამპმა სოციალურ ქსელ Truth Social-ში დაწერა.
ტრამპმა გაიხსენა, რომ ლუკაშენკო 19 მარტს ამერიკულ დელეგაციას შეხვდა, რომელსაც აშშ-ის სპეციალური წარმომადგენელი ჯონ კოული ხელმძღვანელობდა, რის შემდეგაც მან 250 პოლიტპატიმარი შეიწყალა.
„ამით პრეზიდენტ ლუკაშენკოს მიერ გასული წლის მაისიდან გათავისუფლებულ პატიმართა საერთო რაოდენობამ 500-ს გადააჭარბა. მინდა, უდიდესი მადლობა გადავუხადო პრეზიდენტს ამის გაკეთებისთვის და მოუთმენლად ველი მასთან ერთად ყოფნას „მშვიდობის საბჭოს“ შემდეგ შეხვედრაზე! “, - დაწერა ტრამპმა.
