აშშ-ის პრეზიდენტი დონალდ ტრამპი გააგრძელებს ძალისხმევას უკრაინაში ომის დასასრულებლად. ამის შესახებ აშშ-ის სახელმწიფო მდივანმა მარკო რუბიომ უნგრეთის საგარეო საქმეთა მინისტრ პიტერ სიარტოსთან სატელეფონო საუბრისას განაცხადა.

„ახლახან მქონდა ხანგრძლივი საუბარი სახელმწიფო მდივან მარკო რუბიოსთან, რომლის დროსაც მადლობა გადავუხადე მას დონალდ ტრამპისა და აშშ-ის მთავრობის სამშვიდობო ძალისხმევისთვის. ტრამპი ერთადერთი ლიდერია, რომელსაც აქვს ძალა, დააბრუნოს მშვიდობა ცენტრალურ ევროპაში და ზოგიერთი ევროპელი პოლიტიკოსისგან განსხვავებით, უნგრეთი მტკიცედ უჭერს მხარს მის მისიას“, - დაწერა სიარტომ სოციალურ ქსელ X-ზე. 

მისი თქმით, რუბიომ დაარწმუნა, რომ ტრამპი არ დანებდება, რაც „რეალურ იმედს იძლევა, რომ ეს დამანგრეველი ომი საბოლოოდ დასრულდება“.

Just had a long call with @SecRubio, where I thanked him for the peace efforts of @realDonaldTrump and the US government.

Trump is the only leader with the strength to bring peace back to Central Europe, and unlike some European politicians, Hungary stands firmly behind his… pic.twitter.com/PrjiaBDiCk

— Péter Szijjártó (@FM_Szijjarto) September 11, 2025