1757663770
უცხოეთი
ტრამპი აცხადებს, რომ რუსული დრონებით პოლონეთის საჰაერო სივრცის დარღვევა, შესაძლოა, შეცდომა იყოს
აშშ-ის პრეზიდენტმა დონალდ ტრამპმა განაცხადა, რომ რუსული დრონები, შესაძლოა, შეცდომით შეიჭრნენ პოლონეთში. ამის შესახებ ტრამპმა ჟურნალისტებს თეთრი სახლიდან ნიუ-იორკში გამგზავრებისას განუცხადა.
„შესაძლოა, ეს შეცდომა ყოფილიყო. თუმცა მიუხედავად ამისა, მე არ ვარ კმაყოფილი იმით, რაც მთელ ამ სიტუაციასთან არის დაკავშირებული, მაგრამ, იმედია, ეს დასრულდება“, - განაცხადა ტრამპმა.
ინფორმაციისთვის, რუსული დრონების პოლონეთის საჰაერო სივრცეში შეჭრის შემდეგ ნატო თავდაცვას აძლიერებს.
10 სექტემბრის ღამეს, რუსეთის მიერ უკრაინაზე განხორციელებული მასშტაბური თავდასხმის დროს პოლონეთის საჰაერო სივრცე რამდენიმე დრონმა დაარღვია.
