30 მარტი 15:44
უცხოეთი
ტრამპი აცხადებს, რომ პუტინზე ძალიან გაბრაზებულია და თუ შეთანხმება ვერ შედგება ნავთობზე მეორად ტარიფებს დააწესებს
თეთრი სახლის ლიდერის, დონალდ ტრამპის განცხადებით, თავის რუს კოლეგაზე ძალიან გაბრაზებულია, რადგან ვლადიმერ პუტინმა გააკრიტიკა უკრაინის პრეზიდენტის ვოლოდიმირ ზელენსკის ხელმძღვანელობის სანდოობა.
„თუ მე და რუსეთი ვერ მოვახერხებთ შეთანხმებას უკრაინაში სისხლის ღვრის შეჩერებაზე და თუ ვიფიქრებ, რომ ეს რუსეთის ბრალია - რაც შეიძლება ასე არ იყოს… მაგრამ თუ ვიფიქრებ, რომ ეს რუსეთის ბრალი იყო, ვაპირებ მეორადი ტარიფების დაწესებას ნავთობზე, სრულ ნავთობზე, რომელიც რუსეთიდან გამოდის. ეს იქნება ის, რომ თუ ნავთობს იყიდი რუსეთიდან, შეერთებულ შტატებში ბიზნესს ვერ აწარმოებ. ყველა სახის ნავთობზე იქნება 25-პროცენტიანი ტარიფი“, - თქვა ტრამპმა NBC News-თან სატელეფონო საუბრისას.
