1778841296
უცხოეთი
ტრამპი აცხადებს, რომ მან და სი ძინპინმა „ბევრი პრობლემა გადაჭრეს, რომელთა გადაჭრაც სხვა ადამიანებს არ შეეძლოთ“
აშშ-ის პრეზიდენტმა დონალდ ტრამპმა თავის ჩინელ კოლეგასთან სი ძინპინთან ერთად ირანში ომის დასრულების შესახებ ისაუბრა. თეთრი სახლის ლიდერს Sky News-ი ციტირებს.
ტრამპმა განაცხადა, რომ ჩინეთში სახელმწიფო ვიზიტის დროს მან და სი ძინპინმა „ბევრი სხვადასხვა პრობლემა გადაჭრეს, რომელთა გადაჭრაც სხვა ადამიანებს არ შეეძლოთ“.
ტრამპმა აღნიშნა, რომ დისკუსიების ნაწილი ირანის საკითხს შეეხო.
„აშშ-სა და ჩინეთს ირანის ომთან დაკავშირებით ერთმანეთის მსგავსი შეხედულებები აქვთ. ჩვენ არ გვინდა, რომ მათ [ირანს] ბირთვული იარაღი ჰქონდეს“, - განაცხადა ტრამპმა.
ტრამპმა აღნიშნა, რომ ორივე მხარეს სურს ჰორმუზის სრუტის გახსნა.
„ისინი ცოტა გიჟები არიან და ეს ცუდია“, - დასძინა ტრამპმა.
ინფორმაციისთვის, მანამდე კი, დონალდ ტრამპმა სი ძინპინს „ძველი მეგობარი“ უწოდა.
