1772387031
უცხოეთი
ტრამპი აცხადებს, რომ ირანში ოპერაცია „გრაფიკზე ადრე“ მიმდინარეობს - „საქმეს ვაკეთებთ არა მხოლოდ ჩვენთვის, არამედ მსოფლიოსთვის“
აშშ-ის პრეზიდენტის დონალდ ტრამპის განცხადებით, ირანში აშშ-ის ოპერაცია „გრაფიკზე ადრე“ მიმდინარეობს. ამის შესახებ მან CNBC-თან სატელეფონო კომენტარში განაცხადა.
„ძალიან სასტიკი რეჟიმია, ისტორიაში ერთ-ერთი ყველაზე სასტიკი რეჟიმი. ჩვენ საქმეს ვაკეთებთ არა მხოლოდ ჩვენთვის, არამედ მსოფლიოსთვის. ყველაფერი გრაფიკზე ადრეა. ამჟამად ყველაფერი ძალიან პოზიტიურად ვითარდება, ძალიან პოზიტიურად“, – აცხადებს ტრამპი.
28 თებერვალს ტრამპმა ისრაელთან ერთად ირანზე ერთობლივი დარტყმა განახორციელა, რომლის შედეგადაც ქვეყნის უზენაესი ლიდერი აიათოლა ალი ხამენეი მოკლეს.
აიათოლას ლიკვიდაციის შემდეგ ირანმა საპასუხო დარტყმები განახორციელა.
ტრამპი ოპერაციას მარ-ა-ლაგოს რეზიდენციიდან აკონტროლებდა.
