1745760238
უცხოეთი
ტრამპი არასოდეს დადგება უკრაინის მხარეს - დმიტრო კულება
უკრაინამ ნაკლებად სავარაუდოა, რომ შეცვალოს აშშ-ის პრეზიდენტის დონალდ ტრამპის დამოკიდებულება უკრაინის მიმართ, - ამის შესახებ უკრაინის საგარეო საქმეთა ყოფილმა მინისტრმა დმიტრო კულებამ „Great Lviv Speaks“-თან ინტერვიუში განაცხადა.
„მინდა, რომ ილუზიები არ იყოს. ძნელი წარმოსადგენია, რამ შეიძლება შეარბილოს ტრამპის პოზიცია, ჩვენი მხარე დაიჭიროს - ეს არ მოხდება“, - აღნიშნა კულებამ.
ის ხაზს უსვამს, რომ დროა გააცნობიერონ, რომ უკრაინა ვეღარ დაეყრდნობა აშშ-ს და ეს არ შეიცვლება ტრამპის საპრეზიდენტო ვადის დასრულების შემდეგაც.
ყოფილი მინისტრი მიიჩნევს, რომ უკრაინა ვეღარ დაეყრდნობა აშშ-ს.
„რაც არ უნდა სამწუხარო იყოს, ჩვენ აღარ შეგვიძლია ამერიკაზე დაყრდნობა. არც ახლა და არც საშუალოვადიან პერიოდში. ანუ ტრამპის წასვლის შემდეგაც კი“, - დასძინა კულებამ.
