1773927475
უცხოეთი
სუმის ოლქში რუსული ძალების იერიშის შედეგად დაღუპული ადამიანების რიცხვი 4-მდე გაიზარდა
რუსულმა ძალებმა 19 მარტის ღამეს სუმის ოლქზე იერიში მიიტანეს.
როგორც სუმის ოლქის რეგიონალური სამხედრო ადმინისტრაციის ხელმძღვანელი ოლეგ გრიგოროვი ტელეგრამზე აღნიშნავს, დაღუპული მშვიდობიანი მოქალაქეების რიცხვი 4-მდე გაიზარდა.
გარდა ამისა, როგორც უკრაინული მხარე იტყობინება, რუსულმა ძალებმა გასულ ღამეს ოდესაზეც მიიტანეს იერიში, რის შედეგადაც 4 ადამიანი დაშავდა.
„25-სართულიანი საცხოვრებელი კორპუსის მე-18 და მე-19 სართულებზე მდებარე ბინები ნაწილობრივ განადგურდა და ხანძარი გაჩნდა“, - აღნიშნულია ინფორმაციაში.
ქალაქზე ღამის თავდასხმის დროს 10-ზე მეტი მანქანა დაზიანდა.
