1754216013
უცხოეთი
სტივ უიტკოფი აცხადებს, რომ ტრამპის ადმინისტრაციას ღაზაში ომის დასრულებისა და მძევლების გათავისუფლების გეგმა აქვს
აშშ-ის სპეციალურმა წარმომადგენელმა ახლო აღმოსავლეთში სტივ უიტკოფმა განაცხადა, რომ პრეზიდენტ დონალდ ტრამპის ადმინისტრაციას ღაზაში ომის დასრულებისა და მძევლების დაბრუნების გეგმა აქვს.
„ჩვენ გვაქვს გეგმა, როგორ შევწყვიტოთ ომი და დავაბრუნოთ ყველა სახლში“, – აღნიშნა სტივ უიტკოფმა.
მანვე დასძინა, რომ თეთრი სახლის ლიდერისთვის მძევლების გათავისუფლება მთავარი ამოცანაა.
ტრამპის სპეციალური წარმომადგენელი თელ-ავივში ღაზას სექტორში „ჰამასის“ მიერ გატაცებული მძევლების ოჯახის წევრებს შეხვდა.
„ჩვენ თქვენს შვილებს სახლში დავაბრუნებთ“, - უთხრა უიტკოფმა მძევლების ოჯახის წევრებს.
