დიდი ბრიტანეთის პრემიერ-მინისტრმა კირ სტარმერმა განაცხადა, რომ რუსეთის უკრაინაში შეჭრა აჩვენებს, რომ მეორე მსოფლიო ომი „მხოლოდ ისტორია არ არის“. ამის შესახებ Sky News-ი იუწყება.

დღეს, 8 მაისს, ნაცისტური გერმანიის ოფიციალური კაპიტულაციისა და ევროპაში ომის დასრულების 80 წლის იუბილე აღინიშნება.

5 მაისს უკრაინელი ჯარისკაცები ბრიტანელ ჯარისკაცებს ლონდონის ცენტრში გამართულ აღლუმზე შეუერთდნენ. აღნიშვნა მთელი კვირის განმავლობაში გაგრძელდება.

„მყავს შვილები, რომლებიც სხვა ადამიანების წყალობით მშვიდობიანად და დემოკრატიულად ცხოვრობენ, რაც წარმოუდგენელია. შემდეგ, მოგეხსენებათ, უკრაინული კონტინგენტის მონაწილეობა აღლუმში გვახსენებს, რომ ის აზრი, რომ ეს ყველაფერი უბრალოდ ისტორია იყო და რომ ახლა რატომღაც აღარ აქვს მნიშვნელობა, აბსოლუტურად მცდარია. თავისუფლებისა და დემოკრატიის ეს ღირებულებები დღეს მნიშვნელოვანია“, - განაცხადა სტარმერმა პოდკასტში - „ჩვენ გვაქვს გზები, რომ გაგაგებინოთ“ - საუბრისას.

მან დასძინა, რომ „პირად პასუხისმგებლობას“ გრძნობს იმ მშვიდობის შენარჩუნებისთვის, რომლითაც ევროპა დიდწილად სარგებლობს 1945 წლიდან. სტარმერის თქმით, მტკიცედ აქვს გადაწყვეტილი, უზრუნველყოს, რომ ნატო, „ამ მშვიდობის ქვაკუთხედი“, „მომავალი ათწლეულების განმავლობაში“ არსებობას განაგრძობდეს.