1718523657
უცხოეთი
სროლა დეტროიტის აკვაპარკში - დაჭრილია 9 ადამიანი
აშშ-ში, დეტროიტის აკვაპარკში შეიარაღებულმა პირმა ცეცხლი გახსნა. ინფორმაციას DW ავრცელებს.
მედიის ცნობით, სროლის შედეგად ცხრა ადამიანი დაიჭრა, მათ შორის ბავშვები. დაშავებულები საავადმყოფოში გადაიყვანეს.
როგორც მედია წერს, თავდამსხმელმა პარკის ტერიტორიაზე 30-მდე გასროლა განახორციელა, შემდეგ კი ადგილიდან მიიმალა.
პოლიციამ თავდამსხმელი მოგვიანებით, საკუთარ სახლში გარდაცვლილი იპოვა. მან სავარაუდოდ, სიცოცხლე თვითმკვლელობით დაასრულა.
