1743781120
უცხოეთი
სომხეთის პრეზიდენტმა ხელი მოაწერა კანონს ქვეყნის ევროკავშირში გაწევრიანების შესახებ
სომხეთის პრეზიდენტმა, ვაჰაგნ ხაჩატურიანმა ხელი მოაწერა კანონს ქვეყნის ევროკავშირში გაწევრიანების შესახებ.
დოკუმენტს ჰქვია „სომხეთის რესპუბლიკის ევროკავშირში გაწევრიანების პროცესის დაწყება“. დოკუმენტს 64-მა დეპუტატმა დაუჭირა მხარი, 7 კი, წინააღმდეგი იყო.
„სომხეთის რესპუბლიკა, რომელიც ცდილობს განავითაროს დემოკრატიული ინსტიტუტები, გააუმჯობესოს საზოგადოების კეთილდღეობა, გააძლიეროს უსაფრთხოება, მდგრადობა და კანონის უზენაესობა, აცხადებს სომხეთის რესპუბლიკის ევროკავშირში გაწევრიანების პროცესის დაწყებას,“ - აღნიშნულია დოკუმენტში.
სომხეთის პარლამენტმა ევროკავშირში გაწევრიანების შესახებ კანონპროექტი მეორე და საბოლოო მოსმენით 26 მარტს დაამტკიცა.
