1788339672
უცხოეთი
სომხეთის ფინანსთა ყოფილი მინისტრი დააკავეს
„სომხეთის ფინანსთა ყოფილი მინისტრი გაგიკ ხაჩატრიანი განსაკუთრებით დიდი ოდენობით ქრთამის აღებისა და ფულის გათეთრების ბრალდებით დააკავეს“, - ამის შესახებ ინფორმაციას ადგილობრივი მედია ავრცელებს.
ანტიკორუფციული სასამართლოს მოსამართლე არამ გრიგორიანმა მას ორთვიანი წინასწარი პატიმრობა შეუფარდა.
მედიის ინფორმაციით, გაგიკ ხაჩატრიანი 1-ელ სექტემბერს დააკავეს. იგი აღკვეთის ღონისძიების შეფარდების სხდომაზე სასამართლოში საკაცით გადაიყვანეს.
აღსანიშნავია, რომ დაკავების შუამდგომლობა გამთენიისას დაკმაყოფილდა და სასამართლო პროცესი მთელი ღამის განმავლობაში მიმდინარეობდა.
