1771520828
უცხოეთი
სიკორსკი: გერმანია და საფრანგეთი ახლა ძალიან სუსტები არიან ევროპის სამართავად
გერმანიასა და საფრანგეთს აღარ შეუძლიათ დამოუკიდებლად დომინირება ევროკავშირში გადაწყვეტილების მიღების პროცესში, - ამის შესახებ პოლონეთის საგარეო საქმეთა მინისტრმა რადოსლავ სიკორსკიმ განაცხადა.
„ევროპას უნდა უხელმძღვანელონ როგორც დასავლელმა, ასევე, აღმოსავლელმა წევრებმა, რადგან გერმანია და საფრანგეთი ახლა ძალიან სუსტები არიან კონტინენტის სამართავად“, - აცხადებს პოლონეთის საგარეო საქმეთა მინისტრი.
სიკორსკიმ აღნიშნა, რომ პოლონეთმა, რომელიც 2004 წელს ევროკავშირში გაწევრიანებული ათი ქვეყნიდან უდიდესია და მსოფლიოს 20 უდიდესი ეკონომიკის მქონე ქვეყანას შორისაა, ბლოკში ძალთა ბალანსის დამყარებას უნდა შეუწყოს ხელი.
პაპ იოანე პავლე II-ის ციტირებით, სიკორსკიმ განაცხადა: „ევროპამ ორი ფილტვით უნდა ისუნთქოს, დასავლურით და აღმოსავლურით“.
