სიიარტო: ზოგიერთი დასავლეთ ევროპელი ლიდერი ცდილობს, აშშ-ის „სამშვიდობო გეგმა“ დაბლოკოს
უნგრეთის საგარეო საქმეთა მინისტრმა პიტერ სიიარტომ „ზოგიერთი დასავლეთ ევროპელი ლიდერი“ ამერიკული „სამშვიდობო გეგმის“ დაბლოკვაში დაადანაშაულა, რომელიც რუსეთ-უკრაინის ომის მოგვარებას ისახავს მიზნად.
სიიარტოს თქმით, ამერიკული წინადადება რუსეთ-უკრაინის ომის დასრულების „დიდ შანსს“ წარმოადგენს, თუმცა „ზოგიერთი დასავლეთ ევროპელი ლიდერი“ მის დაბლოკვას ცდილობს.
„ჩვენი პოზიცია ნათელია: ყველა ევროპელი პოლიტიკოსი ვალდებულია, სრულად და უპირობოდ დაუჭიროს მხარი ამ გეგმას, რადგან ეს რაციონალური და ჰუმანური არჩევანია“, - დასძინა უნგრელმა მინისტრმა.
ევროპელმა ლიდერებმა შეშფოთება გამოთქვეს ტრამპის 28-პუნქტიანი გეგმის შესახებ, რის გამოც საკუთარი საპასუხო წინადადება შეიმუშავეს.
23 ნოემბერს ჟენევაში გამართული მოლაპარაკებების შემდეგ აშშ-მა და უკრაინამ განაცხადეს, რომ მათ „განახლებული და დახვეწილი სამშვიდობო ჩარჩო“ შეიმუშავეს.
