სიიარტო: რამდენადაც არ უნდა დაგვემუქროს ზელენსკი, რამდენად მჭიდროდაც არ უნდა ითანამშრომლოს ურსულა ფონ დერ ლაიენთან, არ დავუშვებთ, რომ უნგრეთი ომში ჩაითრიონ
უნგრეთის საგარეო საქმეთა მინისტრი პიტერ სიიარტოს განცხადებით, უკრაინის ქმედებები ყოველგვარ ზღვარს სცილდება.
მისი თქმით, კიევს ბუდაპეშტის შანტაჟი და მუქარა არ გამოუვა.
„ეს ყოველგვარ ზღვარს სცილდება. ეს უკრაინაა. ეს ისეთი „კულტურაა“, რომელიც კიევიდან მოდის. ეს არის ადამიანი, რომლითაც ბრიუსელი აღფრთოვანებულია და ქვეყანა, რომლის ევროკავშირში დაჩქარებული გაწევრიანებაც სურთ.
ვერავინ დაემუქრება უნგრეთს ან მის პრემიერ-მინისტრს. ვერავინ დაგვაშანტაჟებს მხოლოდ იმიტომ, რომ ჩვენ უარს ვამბობთ უკრაინის ომის ფასის გადახდაზე და უარს ვამბობთ ენერგომატარებლების უფრო მაღალ ფასებზე უკრაინის გამო.
რამდენადაც არ უნდა დაგვემუქროს ვოლოდიმირ ზელენსკი, რამდენად მჭიდროდაც არ უნდა ითანამშრომლოს ურსულა ფონ დერ ლაიენთან და მანფრედ ვებერთან („ევროპის სახალხო პარტიის“ პრეზიდენტი), ბრიუსელში პარტია Tisza-ს პოლიტიკურ მოკავშირესთან, ჩვენ არ დავუშვებთ, რომ მათ უნგრეთი ომში ჩაითრიონ“, - აცხადებს სიარტო.
This is beyond every limit. This is Ukraine. This is the kind of “culture” coming from Kyiv. And this is the man Brussels admires and the country they want to fast-track into the European Union.
— Péter Szijjártó (@FM_Szijjarto) March 5, 2026
No one can threaten Hungary or its Prime Minister. No one can blackmail us just… pic.twitter.com/dTJzXdNYCu
