უკრაინის საგარეო საქმეთა მინისტრმა ანდრეი სიბიგამ განაცხადა, რომ რუსეთ-უკრაინის ომის მოსაგვარებლად უკრაინისა და აშშ-ის გუნდებს შორის შეხვედრა უახლოეს მომავალში გაიმართება. ამის შესახებ მან კიევში გამართულ პრესკონფერენციაზე განაცხადა.

ცოტა ხნის წინ პრეზიდენტის ადმინისტრაციის ხელმძღვანელმა ანდრეი ერმაკმა განაცხადა, რომ აშშ-ის არმიის მდივანი დენ დრისკოლი ამ კვირაში კიევს ეწვევა, რათა უკრაინაში ომის დასრულების ნაბიჯები დაასრულოს. სიბიგას ამ განცხადებაზე კომენტარის გაკეთება სთხოვეს.

„მოლაპარაკებათა გუნდების შეხვედრას უნდა ველოდოთ“, - უპასუხა მან.

მინისტრის თქმით, უკრაინა კონკრეტულ შედეგებს ელის. მან ასევე ხაზგასმით აღნიშნა, რომ უკრაინული მხარე დაინტერესებულია უმაღლეს დონეზე კონტაქტებით - პრეზიდენტ ვოლოდიმირ ზელენსკისა და მის ამერიკელ კოლეგა დონალდ ტრამპს შორის შეხვედრით.

„რადგან არსებობს საკითხები, ყველაზე მგრძნობიარე საკითხები, რომელთა განხილვა მხოლოდ ლიდერების დონეზეა შესაძლებელი“, - დაასკვნა სიბიგამ.