უკრაინის საგარეო საქმეთა მინისტრმა ანდრეი სიბიგამ განაცხადა, რომ 19-20 იანვრის ღამეს რუსეთის მიერ უკრაინაზე განხორციელებული მასშტაბური დარტყმები შვეიცარიის ქალაქ დავოსში მსოფლიო ეკონომიკურ ფორუმზე შეკრებილი მსოფლიო ლიდერებისთვის გამოფხიზლების ზარია. 

როგორც X-ზე გამოქვეყნებულ პოსტში სიბიგამ აღნიშნა, კიევზე განხორციელებული მასიური დარტყმის შემდეგ ათასობით სახლი ყინვაში გათბობის გარეშე დარჩა.

„კიევზე, ​​ვინიცაზე, დნეპრის ოლქზე, ოდესაზე, ზაპოროჟიეზე, პოლტავაზე, სუმისა და სხვა რეგიონებზე თავდასხმებმა მშვიდობიან მოსახლეობაში მსხვერპლი და ენერგეტიკული ინფრასტრუქტურის დაზიანება გამოიწვია“, - დასძინა საგარეო საქმეთა მინისტრმა.

„უკრაინელი ხალხის გამძლეობა არ შეიძლება იყოს ამ ომის გაგრძელების საბაბი. ის რაც შეიძლება მალე უნდა დასრულდეს.

პუტინის დღევანდელი ბარბაროსული დარტყმა დავოსში შეკრებილი მსოფლიო ლიდერებისთვის გამოფხიზლების ზარია: უკრაინელი ხალხის მხარდაჭერა სასწრაფოა; უკრაინაში მდგრადი მშვიდობის გარეშე, ევროპაში მშვიდობა არ იქნება; მშვიდობის მიღწევა მხოლოდ ძალის გამოყენებითაა შესაძლებელი; ჩვენ სასწრაფოდ გვჭირდება დამატებითი ენერგეტიკული დახმარება, საჰაერო თავდაცვა და ჩამჭრელები, ასევე სანქციებით ზეწოლა მოსკოვზე“, - ხაზგასმით აღნიშნა მან.

Thousands of houses are without heating in Kyiv at -15°C outside, following Russia’s mass strike overnight.

War criminal Putin continues to wage a genocidal war against women, children, and elderly.

Strikes on Kyiv, Vinnytsia, Dnipro, Odesa, Zaporizhzhia, Poltava, Sumy, and… pic.twitter.com/7mooXRCWpS

— Andrii Sybiha 🇺🇦 (@andrii_sybiha) January 20, 2026