უკრაინის საგარეო საქმეთა მინისტრმა ანდრეი სიბიგამ განაცხადა, რომ უკრაინამ საერთაშორისო პარტნიორები გააფრთხილა რუსეთის გეგმების შესახებ, დაარტყას ქვესადგურებს, რომლებიც ატომურ ელექტროსადგურებს ამარაგებენ. 

სიბიგამ X-ზე გამოქვეყნებულ პოსტში აღნიშნა, რომ უკრაინული დაზვერვის ცნობით, რუსეთი სახიფათო დარტყმებს გეგმავს იმ ქვესადგურებზე, რომლებიც უკრაინის ატომურ ელექტროსადგურებს ელექტროენერგიით ამარაგებენ.

„ჩვენ ვუზიარებთ ჩვენს პარტნიორებს შესაბამის მონაცემებს და ვაფრთხილებთ პოტენციურად კატასტროფული შედეგების შესახებ. დროა, მსოფლიომ, მათ შორის ატომური ენერგიის საერთაშორისო სააგენტომ და წამყვანმა გლობალურმა ძალებმა, რომლებიც აფასებენ ბირთვულ უსაფრთხოებას, ხმა ამოიღონ და მოსკოვს მკაფიო გაფრთხილებები მისცენ, რათა აიძულონ იგი, უარი თქვას ასეთ უგუნურ გეგმებზე“, - დასძინა მან.

According to our intelligence, Russia is planning dangerous strikes on substations that supply Ukrainian nuclear power plants. Moscow knows no limits in its genocidal goal of depriving Ukrainians of power amid freezing winter.

We are sharing relevant data with partners, warning…

— Andrii Sybiha 🇺🇦 (@andrii_sybiha) January 17, 2026