უკრაინა არ მიიღებს რუსეთის მოთხოვნას ჩვენი ქვეყნის ნატოში არგაწევრიანების შესახებ, - ამის შესახებ უკრაინის საგარეო საქმეთა მინისტრმა ანდრეი სიბიგამ განაცხადა. 

მისივე განცხადებით, უკრაინა რჩება პოზიციაზე, რომ სამშვიდობო მოლაპარაკებების ფარგლებში შეუძლებელია ნატოში გაწევრიანების საკითხზე დათმობაზე წასვლა.

უკრაინელი მინისტრის თქმით, უკრაინა-ნატოს საბჭოს სხდომაზე მან მოკავშირე ქვეყნების კოლეგებს მიაწოდა ინფორმაცია ნატოში გაწევრიანებასთან დაკავშირებით კიევის პრინციპული პოზიციის შესახებ.

„არსებობს ფუნდამენტური რამ, რასაც უკრაინა არ მიიღებს და ერთ-ერთი მათგანია ჩვენს მისწრაფებაზე უარი, გავხდეთ ნატოს წევრი“, - განაცხადა მინისტრმა.

მან ხაზგასმით აღნიშნა, რომ უკრაინის ნატოში გაწევრიანება არ არის მოკლევადიანი მიზანი.

„ჯერ არ არის კონსენსუსი, მაგრამ ეს არ არის დაკავშირებული სხვა ქვეყნის, მაგალითად, რუსეთის ვეტოსთან“, - აღნიშნა უკრაინელმა დიპლომატმა. 

ანდრეი სიბიგა დარწმუნებულია, რომ უკრაინის ალიანსში გაწევრიანება აუცილებელია არა მხოლოდ თავად უკრაინისთვის, არამედ მთელი რეგიონისთვის.

„ყველაზე ეფექტური ფაქტორი ჩვენი უსაფრთხოებისა და ტრანსატლანტიკური უსაფრთხოების უზრუნველსაყოფად - - არის ჩვენი წევრობა ნატოში“, - განაცხადა მინისტრმა.