ჩინეთის პრეზიდენტმა სი ძინპინმა პეკინში პირველი ვიზიტით მყოფ დიდი ბრიტანეთის პრემიერ-მინისტრს კირ სტარმერს განუცხადა, რომ ქვეყნებმა ერთად უნდა იმუშაონ გლობალურ სტაბილურობაზე, კლიმატის ცვლილებასა და სხვა საკითხებზე.

„დიდი ხანია, ნათლად ვამბობ, რომ დიდ ბრიტანეთსა და ჩინეთს გრძელვადიანი, თანმიმდევრული და ყოვლისმომცველი სტრატეგიული პარტნიორობა სჭირდებათ“, - აღნიშნა მან.

სი ძინპინის თქმით, ჩინეთის ურთიერთობა გაერთიანებულ სამეფოსთან „გარდამტეხი მოვლენებით“ იყო სავსე, რაც არცერთი ქვეყნის ინტერესებს არ ემსახურებოდა.

ჩინეთის პრეზიდენტმა ხაზგასმით აღნიშნა, რომ ქვეყნებმა გეოპოლიტიკური გამოწვევების დასაძლევად ურთიერთობები უნდა გაამყარონ.

„ამჟამინდელი საერთაშორისო სიტუაცია რთული და გადაჯაჭვულია. როგორც გაეროს უშიშროების საბჭოს მუდმივმა წევრებმა და ძირითადმა გლობალურმა ეკონომიკებმა, ჩინეთმა და დიდმა ბრიტანეთმა დიალოგი და თანამშრომლობა უნდა გააძლიერონ“, - განაცხადა სი ძინპინმა.