სი ძინპინი მაისში სერბეთს ეწვევა
ჩინეთის ლიდერი სი ძინპინი მაისში სერბეთის დედაქალაქ ბელგრადს ეწვევა. ინფორმაციას Bloomberg-ი ავრცელებს.
სი ძინპინის ვიზიტი 1999 წელს, ნატოს ოპერაციის დროს, ბელგრადში, ჩინეთის საელჩოზე განხორციელებული თავდასხმის 25 წლისთავს ემთხვევა.
ჩინეთის საგარეო საქმეთა სამინისტროს სი ძინპინის სერბეთში ვიზიტის შესახებ ამ ეტაპზე ოფიციალური განცხადება არ გაუკეთებია.
„ჩინეთსა და სერბეთს შორის კავშირები სი ძინპინის მმართველობის პერიოდში გამყარდა. თებერვალში სერბეთის პრეზიდენტმა ალექსანდრ ვუჩიჩიმ ჩინურ სახელმწიფო მედიას განუცხადა, რომ „ტაივანი ჩინეთია“, მხარი დაუჭირა პეკინის განცხადებებს ტაივანთან მიმართებით“, - წერს მედიასაშუალება.
სი ძინპინი ჩინეთში ბოლოს 2016 წელს იყო ჩასული.
ის პირველი პრეზიდენტი იყო, რომელმაც პატივი მიაგო საელჩოს ტერიტორიაზე დაღუპულების ხსოვნას.
