1754579116
უცხოეთი
შვედეთში მოქალაქეებს საჯარო მოხელეების შეურაცხყოფისთვის სისხლისსამართლებრივი პასუხისმგებლობა დაეკისრებათ
მას შემდეგ, რაც შვედეთში ახალი კანონი შევიდა ძალაში, რომელიც მოქალაქეებისთვის საჯარო მოხელეების შეურაცხყოფის გამო, სისხლისსამართლებრივ პასუხისმგებლობას ითვალისწინებს, პოლიციაში 170-ზე მეტი შეტყობინება შევიდა. 10 მათგანზე უკვე, წინასწარი გამოძიებაა დაწყებული. ინფორმაციას ადგილობრივი მედია ავრცელებს.
შეტყობინებები სხვადასხვა თანამდებობაზე მყოფი საჯარო მოხელეებისგან იყო, მათ შორის პოლიციელებისგან, დაცვის თანამშრომლებისგან, ასევე, შვედეთის ტრანსპორტის ადმინისტრაციისა და სოციალური დაზღვევის სააგენტოს წევრებისგან. 50 შეტყობინება მხოლოდ, ვესტის პოლიციის რეგიონშია შესული.
პერ ტორსტენსონი პოლიციის ოფიცერია, რომელიც ქალაქ ბუროსში ცხოვრობს. მისი თქმით, ახალმა კანონმა უნდა შეცვალოს საზოგადოების ქცევა და დამოკიდებულება საჯარო მოხელეების მიმართ.
