ირანულმა კომპანია MAPNA-მ რუსეთის ფედერაციას 2022 წელს დადებული ხელშეკრულების ფარგლებში გაუმჯობესებული გაზის ტურბინა მიაწოდა, რომელიც 40 ასეთი ერთეულის ექსპორტს ითვალისწინებს. ამის შესახებ უკრაინული მედია bne Intellinews-ზე დაყრდნობით იტყობინება. 

ირანული ტვირთი მოიცავს ტურბინას, ასევე გენერატორებს, ელექტრომოწყობილობებს და სარემონტო მომსახურებას.

ირანული აღჭურვილობა რუსებისთვის სტრატეგიულად მნიშვნელოვანია, რადგან ის განკუთვნილია გერმანული კომპანია Siemens-ის ტურბინების ჩასანაცვლებლად, რომელთა მიწოდება და მომსახურება გერმანელებმა სრულმასშტაბიანი ომის დაწყების შემდეგ შეწყვიტეს. აღსანიშნავია, რომ Siemens იყო რუსებისთვის ასეთი აღჭურვილობის მთავარი მიმწოდებელი.

დასავლელი ექსპერტების აზრით, რუსეთს არ შეუძლია დამოუკიდებლად მაღალი ხარისხის გაზის ტურბინების წარმოება.

„ამავდროულად, სანქციების ქვეშ ირანმა მნიშვნელოვან წარმატებას მიაღწია წარმოების რიგ სექტორებში, რასაც ადასტურებს რუსეთისთვის ახალი ტურბინების მიწოდება“, - წერს მედიასაშუალება.