საუდის არაბეთის ოფიციალური პირი აცხადებს, რომ თურქეთთან და პაკისტანთან ხელმოწერილი ერთობლივი თავდაცვის პაქტი არ არის დაკავშირებული „არანაირ ბირთვულ ამბიციებთან“ და არ წარმოადგენს საფრთხეს რეგიონის არცერთი ქვეყნისთვის.

„შეთანხმება არ წარმოადგენს სამხედრო ღერძის, ან სექტანტური ბლოკის შექმნის მცდელობას. ის არც რაიმე ბირთვულ ამბიციებთან, ან შეიარაღების რბოლასთან არის დაკავშირებული, პირიქით, ის მდგრადი შესაძლებლობების შექმნაზეა ორიენტირებული“, - წერს სახალხო დიპლომატიის მინისტრის მოადგილე რაიედ კრიმლი X-ზე გამოქვეყნებულ პოსტში.

მისი თქმით, შეთანხმება „რეგიონის არცერთი ქვეყნის უსაფრთხოებისთვის საფრთხეს არ წარმოადგენს და არც ორ სახელმწიფოს შორის დაძაბულობის ესკალაციას წარმოადგენს“.

საუდის არაბეთმა შეერთებულ შტატებთან ბირთვული ენერგიის მოპოვების შესახებ შეთანხმებას ხელი ახლახან მოაწერა, თუმცა აშშ-ის პრეზიდენტმა დონალდ ტრამპმა მოგვიანებით განაცხადა, რომ შეთანხმების პირობა სამეფოს მიერ ისრაელთან ურთიერთობების ნორმალიზებაა.

აღსანიშნავია, რომ პაკისტანი ბირთვულ იარაღს ფლობს.