„საფრანგეთში სიცხის ტალღა ძლიერდება. სინოპტიკოსების პროგნოზით, ქვეყნის ზოგიერთ რეგიონში ჰაერის ტემპერატურა, შესაძლოა, 45°C-მდე ავიდეს. აღნიშნულ ინფორმაციას გამოცემა Le Figaro ავრცელებს. 

ხელისუფლება მოსახლეობას განსაკუთრებული სიფრთხილის გამოჩენისკენ მოუწოდებს.

ფრანგული მედიის ცნობით, მაღალი ტემპერატურა რამდენიმე დღეა გრძელდება. ხელისუფლება და მეტეოროლოგები მოსახლეობას აფრთხილებენ, რომ დაიცვან შესაბამისი რეკომენდაციები, განსაკუთრებით ხანდაზმულებმა, ბავშვებმა და ქრონიკული დაავადებების მქონე პირებმა.

რაც შეეხება საფრანგეთის დედაქალაქს, პარიზში კვირის დასაწყისში ტემპერატურა 39°C-ს მიაღწია. ოთხშაბათს და ხუთშაბათს კი 41°C არის მოსალოდნელი. 

ქვეყნის სამხრეთ ნაწილში 21 ივნისს ხანდაზმული ადამიანის გარდაცვალების სამი შემთხვევა დაფიქსირდა, რაც  სავარაუდოდ, ძლიერ სიცხეს უკავშირდება.

Pour lundi 22 juin 2026 : 🔴49 départements en vigilance rouge 🟠 40 départements en vigilance orange.
Restez prudents et informés : https://t.co/JGz4rTUvHP pic.twitter.com/LW1hj18t7P

— VigiMétéoFrance (@VigiMeteoFrance) June 22, 2026