1785617512
უცხოეთი
საფრანგეთის პრემიერ-მინისტრი აცხადებს, რომ მასშტაბური ხანძრები კონტროლს ექვემდებარება
„ქვეყანაში მძვინვარე მასშტაბური ტყის ხანძრები ამჟამად კონტროლს ექვემდებარება“, - განაცხადა საფრანგეთის პრემიერ-მინისტრმა სებასტიან ლეკორნიუმ 1949 წლის შემდეგ ყველაზე მასშტაბური ხანძრის გაჩენიდან ერთ კვირაზე მეტი ხნის შემდეგ.
„საერთო ჯამში, ხანძარი ჩვენს ქვეყანაში ახლა კონტროლს ექვემდებარება და სამხრეთ-დასავლეთით, ჟირონდში, სტაბილურ სიტუაციაა“, - განაცხადა მან გაზეთ La Tribune Dim-თან.
ცნობისთვის, მხოლოდ ჟირონდის რეგიონში ცეცხლმა 42 000 ჰექტარი გაანადგურა და 240-მდე სახლი დააზიანა. საფრანგეთის პრეზიდენტმა ემანუელ მაკრონმა შექმნილ ვითარებას ქვეყნისთვის მეორე მსოფლიო ომის შემდეგ ყველაზე რთული კრიზისი უწოდა.
