საფრანგეთის ყოფილ პრემიერ-მინისტრს ფრანსუა ფიონს სასამართლომ 4-წლიანი პირობითი პატიმრობა მიუსაჯა. ფიონი სასამართლომ ცოლის ფიქტიურ დასაქმებაში დამნაშავედ ცნო. ასევე ფიონი 375 ათასი ევროთი დაჯარიმდა და მას 5 წლის განმავლობაში არჩევნებში მონაწილეობა აეკრძალა. ამის შესახებ Deutche Welle იუწყება.

სასამართლომ დაადგინა, რომ ფიონის მეუღლე, პენელოპა, წლების განმავლობაში პარლამენტის აპარატის თანამშრომლად ირიცხებოდა, მაგრამ არანაირ სამუშაოს არ ასრულებდა. ეს ინფორმაცია საჯარო გახდა 2017 წელს, როდესაც ფიონი საფრანგეთის პრეზიდენტად კენჭს იყრიდა, მაგრამ საბოლოოდ ემანუელ მაკრონთან დამარცხდა.

სასამართლოს სხდომებზე ფიონი ამტკიცებდა, რომ პარლამენტში თანაშემწეებად ოჯახის წევრთა სამსახურში აყვანა ჩვეულებრივი პრაქტიკა იყო, პენელოპა ფიონი მის საპარლამენტო თანაშემწედ 1998-2013 წლებში მუშაობდა და ამ ხნის განმავლობაში 612 000 ევროს ჯამაგირი მიიღო. გარდა ამისა, 2005-2007 წლებში ფრანსუა ფიონმა თავის თანამშრომლებად ორი შვილი აიყვანა.