Loading data...
საბერძნეთის სანაპიროებთან ნავი ჩაიძირა - დაღუპულია 4 ადამიანი

საბერძნეთის კუნძულ ლესბოსის მახლობლად მიგრანტების ნავი ჩაიძირა. დაღუპულია 4 მიგრანტი, ხოლო 23 ადამიანი გადაარჩინეს, - ამის შესახებ Reuters-ი იტყობინება.

„ნავი სანაპირო დაცვის პატრულმა დაახლოებით ღამის 2 საათზე აღმოაჩინა, სამძებრო-სამაშველო ოპერაცია ჯერ კიდევ გრძელდება“, - განაცხადა სანაპირო დაცვის წარმომადგენელმა.

ჯერჯერობით უცნობია რამდენი ადამიანი იმყოფებოდა ნავზე. 

გასულ წელს დაახლოებით 54,000 მიგრანტი ჩავიდა საბერძნეთში, გაეროს ლტოლვილთა სააგენტოს ცნობით, მათი დიდი უმრავლესობა ზღვით ჩავიდა საბერძნეთში.