რუსულმა ძალებმა უკრაინის ორ რეგიონზე დრონებით იერიში მიიტანეს. 

ზაპოროჟიეს რეგიონალური სამხედრო ადმინისტრაციის ხელმძღვანელის ივან ფიოდოროვის ინფორმაციით, რუსული დრონის იერიშის შედეგად დაშავებული მშვიდობიანი მოქალაქეების რიცხვი 6-მდე გაიზარდა. 

„დრონების გამო განგაშის სიგნალია 2 საათზე მეტია მოქმედებს. სხვადასხვა ადგილას ექვსი ადამიანი დაშავდა. ყველას უტარდება საჭირო სამედიცინო დახმარება“, - დაწერა მან Telegram-ზე.

გარდა ამისა, უკრაინული მხარის ცნობით, რუსულმა ძალებმა იერიში მიიტანეს ხმელნიცკზეც. 

უკრაინის საგანგებო სიტუაციების სახელმწიფო სამსახურის ცნობით, ხმელნიცკზე რუსული დრონის მიერ განხორციელებული თავდასხმის შედეგად 7 ადამიანი დაშავდა. 

„რუსულმა დრონმა ხმელნიცკში საცხოვრებელი კორპუსი დააზიანა. შენობის ერთ-ერთ შესასვლელში კიბე და ჭერი დაინგრა, ფანჯრები კი ჩაიმსხვრა. შვიდი ადამიანი დაშავდა. რუსეთმა ასევე შეუტია ხმელნიცკში არსებულ ბიზნესებს“, - აღნიშნულია უკრაინული მხარის მიერ გავრცელებულ ინფორმაციაში.