1743663153
უცხოეთი
რუსულმა ძალებმა უკრაინას „შაჰედის“ ტიპის 39 დრონით შეუტიეს - უკრაინული მხარე
რუსეთის საოკუპაციო ძალებმა 2 აპრილის ღამეს უკრაინას „შაჰედის“ ტიპის 39 დრონით შეუტიეს. უკრაინის საჰაერო თავდაცვამ ოკუპანტების 28 დრონი ჩამოაგდო, ხოლო 7-მა მიზნამდე ვერ მიაღწია, - აღნიშნულის შესახებ უკრაინის საჰაერო ძალების სარდლობა Telegram-ზე იტყობინება.
დილის 9:00 საათისთვის დადასტურდა უპილოტო საფრენი აპარატების ჩამოგდების ფაქტები ქვეყნის ჩრდილოეთით და აღმოსავლეთით.
რუსეთის თავდასხმის შედეგად დაზარალდა ხარკოვის, დონეცკის და დნეპროპეტროვსკის ოლქები.
„ოკუპანტებმა უპილოტო თვითმფრინავები რუსეთის ქალაქების მილეროვოს, კურსკის და პრიმორსკო-ახტარსკის ტერიტორიებიდან გაუშვეს“, - აცხადებენ უკრაინის საჰაერო ძალებში.
