1718525209
უცხოეთი
რუსეთში წინასწარი დაკავების იზოლატორში პატიმრებმა ორი თანამშრომელი მძევლად აიყვანეს
რუსეთში, როსტოვის ოლქის წინასწარი დაკავების იზოლატორში პატიმრებმა 2 თანამშრომელი მძევლად აიყვანეს. ინფორმაციას რუსული მედია რუსეთის ფედერალური სასჯელაღსრულების სამსახურზე დაყრდნობით ავრცელებს.
„ბრალდებულებმა, როსტოვის ოლქში, რუსეთის ფედერალური სასჯელაღსრულების სამსახურის №1 წინასწარი დაკავების იზოლატორში, მძევლად აიყვანეს სასჯელაღსრულების სისტემის ორი თანამშრომელი“, - ნათქვამია ინფორმაციაში.
უწყებაში აცხადებენ, რომ ადგილზე არიან ძალოვანი სტრუქტურებისა და პროკურატურის წარმომადგენლები და მძევლების გასათავისუფლებლად მოლაპარაკებები მიმდინარეობს.
დეპარტამენტის მტკიცებით, ვითარება კონტროლდება.
