რუსეთი ასობით იემენელ ჰუსიტებს იღებს უკრაინის წინააღმდეგ ომისთვის, - ამის შესახებ უკრაინული მედია Financial Times-ზე დაყრდნობით იუწყება.

იემენელმა ახალწვეულებმა, რომლებიც რუსეთში წავიდნენ, განუცხადეს Financial Times-ს, რომ მათ დაჰპირდნენ სამუშაოს მაღალი ხელფასით და რუსეთის მოქალაქეობაც კი. თუმცა, როდესაც ისინი ქვეყანაში ჩავიდნენ ჰუსიტებთან დაკავშირებული კომპანიის მეშვეობით, რუსეთის ჯარში ძალდატანებით ჩაწერეს და უკრაინაში საბრძოლველად ფრონტის ხაზზე გაგზავნეს.

ამერიკელი დიპლომატების თქმით, შეთანხმება კრემლსა და ჰუსიტებს შორის არის იმის ნიშანი, თუ რამდენად მზად არის რუსეთი ორს წავიდეს.

იემენისთვის აშშ-ს სპეციალურმა წარმომადგენელმა ტიმ ლენდერკინგმა დაადასტურა, რომ რუსეთი აქტიურად ცდილობს ჰუსიტებთან კავშირების გაბმას და იარაღის მიწოდებასაც განიხილავს.

Financial Times-ის მიერ ნანახ კონტრაქტში, რომლითაც ერთ-ერთი იემენელი კაცი რუსეთში წაიყვანეს, ნახსენებია კომპანია, რომლის დამაარსებელიც ცნობილი ჰუსიტი პოლიტიკოსი, აბდულვალი აბდო ჰასან ალ-ჯაბრია.

ერთ-ერთმა ახალწვეულმა, სახელად ნაბილმა განუცხადა FT-ს, რომ იგი რუსულ არმიაში მომსახურე დაახლოებით 200-მდე იემენელისგან შემდგარი ჯგუფის წევრი იყო, რომლებიც სექტემბერში, მოსკოვში ჩასვლის შემდეგ, ჯარში გაიწვიეს.

მისი თქმით, მიუხედავად იმისა, რომ ზოგიერთი მათგანი გამოცდილი მებრძოლი იყო, ბევრს სამხედრო მომზადება არ ჰქონია. მან აღნიშნა, რომ მათ მოატყუეს და კონტრაქტები გაუფორმეს, მათ ამის წაკითხვაც კი არ შეეძლოთ.

ნაბილმა აღნიშნა, რომ ის მოხიბლული იყო კარგი სამუშაო პირობებით ისეთ სფეროებში, როგორიცაა „უსაფრთხოება“ და „ინჟინერია“ და დათანხმდა იმ იმედით, რომ საკმარისს გამოიმუშავებდა სწავლის დასასრულებლად. თუმცა, ამის ნაცვლად, რამდენიმე კვირაში ის და კიდევ ოთხი იემენელი აღმოჩნდნენ უკრაინის ფრონტზე, სამხედრო ფორმაში გამოწყობილი.