რუსეთმა გასულ ღამეს უკრაინის წინააღმდეგ 500-ზე მეტი დრონი გამოიყენა - უკრაინის საჰაერო ძალები
30 აგვისტოს ღამეს რუსეთმა უკრაინას უპილოტო საფრენი აპარატებით და სხვადასხვა ტიპის რაკეტებით შეუტია, - აღნიშნულ ინფორმაციას უკრაინის საჰაერო ძალები ავრცელებს.
უკრაინული მხარის ცნობით, უკრაინის საჰაერო თავდაცვამ მოწინააღმდეგის 582 თავდასხმის იარაღიდან 548 გაანეიტრალა, ასევე, დაფიქსირდა დარტყმები სხვადასხვა ლოკაციებზე.
როგორც უკრაინის საჰაერო ძალებში აცხადებენ, რუსულმა ძალებმა უკრაინის წინააღმდეგ 6 ბალისტიკური რაკეტა, ფრთოსანი რაკეტები და „შაჰედის“ ტიპის დრონები გამოიყენეს.
საჰაერო ძალები აღნიშნავენ, რომ შეტევა გრძელდება, ჰაერში მტრის კიდევ რამდენიმე უპილოტო საფრენი აპარატია.
უკრაინელებს მოუწოდებენ, დაიცვან უსაფრთხოების წესები და თავშესაფრებში დარჩნენ.
უკრაინული მედიის ინფორმაციით, სრულმასშტაბიანი ომის დაწყებიდან რუსეთმა უკრაინის წინააღმდეგ ყველაზე მეტი დრონი მიმდინარე წლის 9 ივლისის ღამეს გაუშვა.
