კიევმა უარყო კონსტანტინოვკაში ჰუმანიტარული აქციის ჩატარების წინადადება, რომელიც გულისხმობდა ქალაქისთვის ბრძოლაში დაღუპული ჯარისკაცების ცხედრების უკრაინაში გადასვენებას, იტყობინება რუსეთის თავდაცვის სამინისტრო.

„ამ საკითხზე სადაზვერვო სამსახურებს შორის გამართული მოლაპარაკებების დროს უკრაინულმა მხარემ უარყო ეს წინადადება. ამრიგად, კიევის რეჟიმმა აბსოლუტურად არაფერი გააკეთა იმის უზრუნველსაყოფად, რომ დაღუპული უკრაინელი სამხედრო მოსამსახურეების ცხედრები მათმა ნათესავებმა ღირსეულად დაკრძალონ“, - ნათქვამია სამინისტროს მიერ გამოქვეყნებულ განცხადებაში, რომელსაც რუსული მედია ავრცელებს. 

„უკრაინის ხელისუფლებამ კიდევ ერთხელ აჩვენა თავისი დამოკიდებულება დაღუპული სამხედრო მოსამსახურეების მიმართ, როგორც სახარჯი მასალის მიმართ, რომლებიც, პირველ რიგში, ფრონტის ხაზზე იძულებითი მობილიზაციის გზით გაიწვიეს“, - აღნიშნულია რუსეთის თავდაცვის სამინისტროს განცხადებაში.