1756573708
უცხოეთი
რუსეთის გენშტაბის უფროსი: რუსეთი უკრაინაში „სამხედრო ოპერაციას“ გააგრძელებს
რუსეთის შეიარაღებული ძალების გენერალური შტაბის ხელმძღვანელი ვალერი გერასიმოვი აცხადებს, რომ რუსეთი უკრაინაში „სპეციალურ სამხედრო ოპერაციას“ გააგრძელებს.
გერასიმოვის თქმით, რუსეთის არმია გააგრძელებს შეტევით ქმედებებს.
„ამოცანების შესრულება ძალების გაერთიანებული ჯგუფის მიერ გაგრძელდება შეტევითი მოქმედებების ჩატარებით. ამოცანები განისაზღვრება შემოდგომის პერიოდისთვის“, - აცხადებს ვალერი გერასიმოვი.
გერასიმოვის მტკიცებით, ამ ეტაპზე სტრატეგიული ინიციატივა მთლიანად რუსი სამხედროების ხელშია.
ამასთან, გერასიმოვის თქმით, რუსეთის არმია ამჟამად აკონტროლებს ლუგანსკის 99,7%-ს, დონეცკის 79%-ს, ზაპოროჟიეს 74%-ს და ხერსონის 76%-ს.
