1743833717
უცხოეთი
რუსეთი სამ მოლდაველ დიპლომატს ქვეყნიდან აძევებს
მოსკოვმა მოლდოვის საელჩოს სამი თანამშრომელი „ნონ გრატას პერსონებად“ გამოაცხადა. მათ რუსეთის ტერიტორია უნდა დატოვონ. ამის შესახებ Deutche Welle იუწყება.
როგორც რუსეთის საგარეო საქმეთა სამინისტროში განაცხადეს, მოლდაველი დიპლომატების გაძევების გადაწყვეტილება კიშინიოვიდან რამდენიმე დღის წინ სამი რუსი დიპლომატის გაძევების საპასუხოდ მოხდა.
მოლდოვიდან რუისი დიპლომატების გაძევება 31 მარტს მოხდა. მოლდოვის ხელისუფლების განცხადებით, ეს პირები იყვნენ დაკავებულები საქმიანობით, რომელიც მათ „დიპლომატიურ სტატუსთან შეუსაბამოა“. მოლდოვის ხელისუფლებამ რუსეთის საელჩო პრორუსი დეპუტატის, ალექსანდრე ნესტეროვსკის ქვეყნიდან გაქცევაში დაადანაშაულა, რომელიც ე.წ. დნესტრისპირეთში კორუფციასა და პოლიტიკური პარტიების უკანონო დაფინანსებაშია ბრალდებული.
