1774004064
უცხოეთი
რუსეთი 21 მარტს უკრაინასა და შეერთებულ შტატებს შორის დაგეგმილ სამშვიდობო მოლაპარაკებებში მონაწილეობას არ მიიღებს
რუსეთი არ გეგმავს მონაწილეობის მიღებას უკრაინასა და შეერთებულ შტატებს შორის მოლაპარაკებებში, რომელიც 21 მარტს შეერთებულ შტატებში გაიმართება. ამის შესახებ კრემლის პრესმდივანმა დიმიტრი პესკოვმა განაცხადა.
პესკოვმა უპასუხა კითხვას, გეგმავს თუ არა რუსეთი აშშ-სა და უკრაინას შორის მომავალ მოლაპარაკებებში მონაწილეობის მიღებას.
„არა, ეს იქნება ორმხრივი კონტაქტები უკრაინელებსა და ამერიკელებს შორის“, - განაცხადა კრემლის წარმომადგენელმა.
ამავდროულად, პესკოვმა იმედი გამოთქვა იმასთან დაკავშირებით, რომ შეხვედრა სამმხრივ ფორმატშიც გაიმართება.
„ეს პაუზა ვიმედოვნებთ, რომ დროებითია. ვგულისხმობ სამმხრივი ფორმატის გაგრძელებას. ვიმედოვნებთ, რომ მალე შევძლებთ ამ მოლაპარაკებების განახლებას“, - აცხადებს დიმიტრი პესკოვი.
