რუსების მიერ გემ „სიმფერპოლზე“ იერიშის შედეგად კიდევ ერთი უკრაინელი მეზღვაური დაიღუპა, - ამის შესახებ უკრაინის საზღვაო ძალების წარმომადგენელმა, მესამე რანგის კაპიტანმა დიმიტრი პლეტენჩუკმა განაცხადა. 

„სამწუხაროდ, უკვე მეორე გარდაცვლილი გვყავს. სამძებრო-სამაშველო ოპერაციები გრძელდება. ასევე, დაშავდა რამდენიმე სამხედრო მოსამსახურე, თუმცა ეკიპაჟის უმეტესობა გუშინდელი დღიდან ძირითადად უსაფრთხოდ არის“, - განაცხადა პლეტენჩუკმა.

პლეტენჩუკის თქმით, ამჟამად მიმდინარეობს სამაშველო ღონისძიებები, ამიტომ საზღვაო ძალებს დეტალების მოწოდება არ შეუძლიათ. 

როგორც UNIAN იტყობინება, რუსები უკრაინის საზღვაო ძალების ერთ-ერთ გემს თავს დაესხნენ. 

28 აგვისტოს ცნობილი გახდა, რომ ეკიპაჟის ერთი წევრი დაიღუპა და რამდენიმე მეზღვაური დაშავდა.

უკრაინის საზღვაო ძალები ირწმუნებიან, რომ ეკიპაჟის უმეტესობა უსაფრთხოდ არის, რამდენიმე მეზღვაურის ძებნა გრძელდება.

რუსეთის თავდაცვის სამინისტროში აცხადებენ, რომ გემი „სიმფერპოლი“ სადაზვერვო იყო.