„იმედი მაქვს, რომ ბოლო დღეებში მოლაპარაკებების განახლების მიზნით განხორციელებული ძალისხმევა კონკრეტულ შედეგს გამოიღებს და დიპლომატიას გზას გაუხსნის“, - ეს განცხადება რომის პაპმა ლეო XIV-მ მოსკოვსა და კიევში აშშ-ის პრეზიდენტის წარმომადგენელთა ვიზიტების ფონზე გააკეთა.

მისი თქმით, რუსეთ-უკრაინის ომის ირგვლივ მოლაპარაკების პროცესის განახლება მშვიდობას დააახლოებს.

„ჩემი გული ერთიანდება უკრაინის ტანჯულ ხალხთან, რომლებიც უკვე წლებია ტკივილსა და შიშში ცხოვრობენ. კიდევ ერთხელ მოვუწოდებ ყველას, დასრულდეს ძალადობა, შეწყდეს ნგრევა და გავხსნათ გულები დიალოგისა და მშვიდობისთვის! იმედი მაქვს, რომ ბოლო დღეებში მოლაპარაკებების განახლების მიზნით განხორციელებული ძალისხმევა კონკრეტულ შედეგს გამოიღებს და დიპლომატიას გზას გაუხსნის. ერთად ვილოცოთ უფლისადმი, რათა მშვიდობამ გაიმარჯვოს მსოფლიოს ყველა კონფლიქტში“, - წერს რომის პაპი.

My heart is united with the suffering of the people of #Ukraine, who have lived in anguish and fear for years. I renew my appeal to put an end to the violence, halt the destruction, and open hearts to dialogue and #peace! I hope that the efforts undertaken in recent days to…

— Pope Leo XIV (@Pontifex) September 6, 2026