შეერთებული შტატების პრეზიდენტის, დონალდ ტრამპის ადმინისტრაციის მაღალჩინოსნებმა იმის აღიარება დაიწყეს, რომ აშშ-მა, შესაძლოა, ვერ მიაღწიოს მოსკოვი-კიევს შორის სამშვიდობო შეთანხმებას უახლოეს რამდენიმე თვეში. ტრამპის ადმინისტრაცია შეიმუშავებს ახალ გეგმებს, რათა ზეწოლა მოახდინოს, როგორც მოსკოვზე, ასევე კიევზე, - ამის შესახებ Reuters-ი ორ კონფიდენციალურ ამერიკელ პირზე დაყრდნობით წერს. 

მედიასაშუალებასთან საუბრისას, წყაროები ამბობენ, რომ ტრამპმა და მისმა მრჩევლებმა ცეცხლის შეწყვეტა სრულად აპრილსა და მაისში დაისახეს. 

„ტრამპის ადმინისტრაცია იმედოვნებს, რომ გრძელვადიანი სამშვიდობო შეთანხმების დადება უახლოეს რამდენიმე თვეში იქნება შესაძლებელი“, - ამბობენ წყაროები. 

თეთრი სახლისა და სახელმწიფო დეპარტამენტის ოფიციალურმა პირებმა აღიარეს, რომ რუსეთის ლიდერი ვლადიმერ პუტინი აქტიურად ეწინააღმდეგება ვაშინგტონის მცდელობებს, ხელი შეუწყოს სამშვიდობო შეთანხმებას.

გასულ კვირას, დონალდ ტრამპმა NBC News-ს განუცხადა, რომ ის ვლადიმერ პუტინზე გაბრაზებულია და თუ შეთანხმება ვერ შედგება ნავთობზე მეორად ტარიფებს დააწესებს.