„რამშტაინის“ ფორმატის შეხვედრა აშშ-ის გარეშე ჩატარდება - უკრაინის საგარეო საქმეთა მინისტრი
უკრაინის საგარეო საქმეთა მინისტრის, ანდრეი სიბიგას განცხადებით, უკრაინის მოკავშირეების მორიგი შეხვედრა „რამშტაინის ფორმატში“ დიდი ბრიტანეთისა და გერმანიის თავმჯდომარეობით გაიმართება.
„რამშტაინის“ ფორმატის შემდეგი შეხვედრა გაიმართება დიდი ბრიტანეთისა და გერმანიის თავმჯდომარეობით, გერმანიის აქტიური როლით. ამიტომ ეს ფორმატი გააგრძელებს არსებობას და მუშაობას როგორც საერთო უსაფრთხოების, ასევე უკრაინის უსაფრთხოების გაძლიერებასა და განმტკიცებაზე“, - აცხადებს სიბიგა.
„რამშტაინის“ ფორმატის შემდეგი შეხვედრა 11 აპრილს გაიმართება.
იმის შესახებ, რომ აშშ-ის წარმომადგენლები „რამშტაინის“ ფორმატის უახლოეს შეხვედრას არ დაესწრებიან, 3 აპრილს გახდა ცნობილი.
მანამდე კი, გამოცემა Defense News-მა გაავრცელა ინფორმაცია, რომ პენტაგონის ხელმძღვანელი პიტ ჰეგსეთი ირველად უგულებელყოფს „რამშტაინის“ შეხვედრას.
