კრემლში ფიქრობენ, რომ თუ უკრაინაში კონფლიქტის დარეგულირების შემდგომი გეგმა შემუშავდება, ამ პროცესზე დიდი გავლენა ექნება აშშ-ის პრეზიდენტის სიძესა და მრჩეველს, ბიზნესმენ ჯარედ კუშნერს, რომელიც მოსკოვში ბოლოს გამართულ მოლაპარაკებებში მონაწილეობდა. ამის შესახებ რუსეთის პრეზიდენტის თანაშემწემ იური უშაკოვმა რუსულ მედიას განუცხადა. 

მან ისაუბრა პრეზიდენტ ვლადიმერ პუტინის მოლაპარაკებების ტონზე აშშ-ის პრეზიდენტის სპეციალურ წარმომადგენელ სტივ უიტკოფთან და კუშნერთან.

„ტონი, ვიტყოდი, და არ მეშინია ამ სიტყვის გამოყენების, კონსტრუქციული და მეგობრული იყო. პუტინი კარგად იცნობს უიტკოფს; ის უკვე ექვსჯერ შეხვდა მას და მათი საუბრები ნამდვილად მეგობრულია, მათ ერთმანეთის მყისიერად ესმით. და ახალი ადამიანიც შეუერთდა და ვიტყოდი, რომ ის საკმაოდ გამოსადეგი აღმოჩნდა, რადგან უიტკოფის ამ ხიბლსა და კეთილგანწყობას მან სისტემურობის ელემენტი დაამატა“, - განაცხადა უშაკოვმა.

„პირადად მე ვფიქრობ, რომ, მრავალი თვალსაზრისით, თუ რაიმე გეგმა, რომელიც შეთანხმების მიღწევამდე მიგვიყვანს, ქაღალდზე გაგრძელდება, სწორედ ბატონი კუშნერი იქნება ის, ვინც „კალამს მართავს“, - დასძინა მან.