რუსეთის პრეზიდენტმა ვლადიმერ პუტინმა განაცხადა, რომ კონფლიქტი, რომელშიც დასავლეთი უკრაინის მეშვეობით რუსეთს ებრძვის, დასასრულს უახლოვდება, თუმცა დასავლეთის ქვეყნებს ჯერ არ სურთ ამის აღიარება, რადგან მათ არ შეუძლიათ რუსეთთან დაპირისპირების „ჩიხიდან გამოსვლა“.

„დასავლეთის ქვეყნებმა უკრაინას დახმარება აღუთქვეს და რუსეთთან დაპირისპირების ესკალაცია დაიწყეს, რომელიც დღემდე გრძელდება. ვფიქრობ, ეს დასასრულს უახლოვდება, მაგრამ ეს მაინც სერიოზული საკითხია, რადგან ის კითხვას ბადებს, თუ რატომ არსებობდა ეს დაპირისპირება“, - განაცხადა პუტინმა მოსკოვში გამართულ პრესკონფერენციაზე.

მან ეს იმით ახსნა, რომ ქვეყნები, რომლებიც უკრაინას მხარს უჭერდნენ, „რუსეთის გამანადგურებელ დამარცხებას, მისი სახელმწიფოებრიობის კოლაფსს რამდენიმე თვეში ელოდნენ“.

„ეს არ მუშაობს, მაგრამ ჩვენ უკვე ამ ჩიხში შევედით და ვერ გამოვდივართ - პრობლემა სწორედ ეს არის“, - განმარტა პუტინმა.

ამავდროულად, მან აღიარა, რომ ევროპაში „რა თქმა უნდა, არიან ჭკვიანი ადამიანები, რომლებსაც ესმით მიმდინარე მოვლენების არსი“.

„ვიმედოვნებ, რომ ეს პოლიტიკური ძალები თანდათანობით დაბრუნდებიან ხელისუფლებაში, ან საკუთარ ხელში აიღებენ ძალაუფლებას ევროპული ქვეყნების აბსოლუტური უმრავლესობის მხარდაჭერით“, - დასძინა კრემლის ლიდერმა.