პოლონეთის პრემიერ-მინისტრმა რკინიგზაზე მომხდარი აფეთქება ქვეყნისა და პოლონელი მოქალაქეების უსაფრთხოების წინააღმდეგ განხორციელებულ უპრეცედენტო საბოტაჟის აქტად შეაფასა. დონალდ ტუსკის განცხადებით, აფეთქებით, უკრაინის მომარაგებისთვის მნიშვნელოვანი მარშრუტი დაზიანდა. პრემიერ-მინისტრის თქმით, გამოძიება მიმდინარეობს და დამნაშავეები აუცილებლად პასუხისგებაში მიეცემიან.

16 ნოემბერს, საღამოს, მატარებელს, რომლის ბორტზეც 475 მგზავრი იმყოფებოდა, ვარშავა-ლუბლინის ხაზზე მკვეთრად მოუწია დამუხრუჭება, ლიანდაგის დაზიანების გამო. მანამდე ამავე მარშრუტზე აფეთქების შედეგად ლიანდაგის ნაწილი განადგურდა.

ინციდენტთან დაკავშირებით, პოლონეთის შინაგან საქმეთა მინისტრი საგანგებო სხდომას მართავს.

Niestety potwierdziły się najgorsze przypuszczenia. Na trasie Warszawa-Lublin (wieś Mika) doszło do aktu dywersji. Eksplozja ładunku wybuchowego zniszczyła tor kolejowy. Na miejscu pracują służby i prokuratura. Na tej samej trasie, bliżej Lublina, również stwierdzono uszkodzenie. pic.twitter.com/aSfNRUD0q9

— Donald Tusk (@donaldtusk) November 17, 2025