პოლონეთის პრემიერი: მსოფლიო ელოდება მკაფიო გადაწყვეტილებას დაუყოვნებლივ და უპირობო ცეცხლის შეწყვეტის შესახებ
ევროპელი ლიდერების, მათ შორის საფრანგეთის პრეზიდენტის ემანუელ მაკრონის, გერმანიის კანცლერის ფრიდრიხ მერცის, პოლონეთის პრემიერ-მინისტრის დონალდ ტუსკის და ბრიტანეთის პრემიერ-მინისტრის კირ სტარმერის, უკრაინაში დაუყოვნებლივი ცეცხლის შეწყვეტის მოწოდებების საპასუხოდ, კრემლის ლიდერმა ვლადიმერ პუტინმა შესთავაზა სამშვიდობო მოლაპარაკებების დაწყება 15 მაისს - თურქეთში.
„ჩვენი მოწოდების საპასუხოდ, რუსებმა შესთავაზეს უკრაინას სამშვიდობო მოლაპარაკებების დაწყება 15 მაისს. თუმცა, მსოფლიო ელოდება მკაფიო გადაწყვეტილებას დაუყოვნებლივ და უპირობო ცეცხლის შეწყვეტის შესახებ. უკრაინა მზადაა. მეტი მსხვერპლი აღარ იქნება!“ - წერს ტუსკი Twitter-ის გვერდზე.
In response to our appeal, the Russians have proposed peace talks starting May 15. The world, however, іs waiting for univocal decision on an immediate and unconditional ceasefire. Ukraine is ready. No more victims!
— Donald Tusk (@donaldtusk) May 11, 2025
